பிரிகேடியர் பால்ராஜ் வீரவணக்கம்

நீக்கமற நிறைந்த பொருள் நீ

நீத்தாரில் நீங்காப் பெயர் நீ

போரில் புதிய பாடத்தினை

புதுப்பித்த சூரியன் நீ

விடுதலை விரும்பி நீ

வஞ்சிக்கப்பட்ட வாழ்வினை

வசமாக்க உழைத்தவன் நீ

பகை முகாம்களைப் பிளந்து

பீறிட்ட நெருப்பாறு நீ

வெல்லவென உருவெடுத்து

பலமெடுத்தாடிய போர்ச் சூறாவளி நீ

எண்ணிவிடும் நாட்களுக்குள்

வன்னிபிடிக்க வந்தவரை

வாரிச்சுருட்டிய புயல் நீ

இடர்கள் நடுவே வேருன்றி

போரிடை பகைவீழ்த்தி

பார்புகழ உச்சத்திலேறி

விடுதலை அரசனின் வலமாகி

வாழ்ந்துபோன வல்லமை நீ

காலம் இன்றுனை சுமக்கிறது வீரா

காலங்கள் நூறு வாழுவாய் வீரா