தமிழீழச் சூரியன்

சத்திய பாதையில் சூரியத் தலைவனாய்

படையை நடத்தி வந்தான் - தமிழ்

ஈழக் கோவிலில் அன்னையின் பாதத்தில்

பூசைகள் நடத்த வந்தான் !

இனத்துவேச நதியினில் ஓடும் படகின்

தரித்திரம் மாற்ற வந்தான் - எம்மைச்

சூழும் படைகளின் சாடும் பகமையை

வாழ்வினில் முடிக்க வந்தான்

வீரமா நகரினில் புலியினப் படைகளை

தீரமாய் நடத்தி வந்தான் - எங்கள்

முந்தையர் நாடென பிந்தையர் சிந்தையில்

கட்டியம் கூறிட வந்தான்

தீட்டிய பாட்டின் வரலாற்று ஏட்டிலும்

தேயாத புகழைப் பெற்றான் - தங்கத்

தமிழீழ விடுதலைப் பயிருக்கு உயிர்நீரைப்

பாய்ச்சிடும் ஞான உழவனாய் வந்தான்

உன்நொளி சூரியனிலும் ஈழத்தில் உயர்ந்ததென

இறவாப்பெருநிலை யெற்றிடுவீர் —உயர்

புலியென்று வாழ்ந்துவரும் காலம் தன்னில்

செல்வாக்கை ஈண்டுபுகழ வைத்தான்

தமிழீழத்தில் முளைத்த செங்கனலாய்

விந்தைபுகழ் வீரம் குவித்தான் - முத்தமிழ்

தொட்டிலில் தனித்தமிழ் தூயகலையாட

நெஞ்சுரத்தில் தமிழ்பேனிட வந்தான்

புறம்கூறும் வீரத்தை மிஞ்சிய ஈழவேங்கையாய்

சோழனின் புகழை மறைத்தான் —உரிய

குலமுறைச் சின்னத்தில் சூரிய புதல்வனாய்

குவலயம் போற்றிட வந்தான்

வேகத்தில் மின்னலாய் விசையினில் புயலாய்

காலத்தில் கடமைபுரிய வந்தான் — தமிழன்

தாகத்தைத் தீர்க்கும் தண்ணீராய் சுற்றிவந்து

விவேகத்தின் வீரிய சுடராய் நின்றான்

ஒருகை துப்பாக்கியுடன் இருகை அணைப்பினில்

தற்கொடைப் போராளிகளை வளர்த்தான் - தம்பி

நெருப்பு விழியிலும் சிரிப்புத் தவழ்ந்திடும்

தமிழீழத் தாயவர் பிரபாகரன் வாழியவே

தமிழீழச்சூரியனின் வீரியகதிர் தினம்எழுகவே

இவன்தான் தமிழன் இவன்தான் தலைவன்

கவிஞர்:மா.கி. கிறிஸ்ரியன